Ka ndërruar jetë politikani i njohur kosovar, Alush Gashi, një prej figurave më të hershme të Lidhjes Demokratike të Kosovës (LDK) dhe bashkëpunëtor i afërt i ish-presidentit Ibrahim Rugova.
Gashi ishte ndër themeluesit e strukturave institucionale të LDK-së gjatë viteve ’90 dhe për dekada me radhë mbeti aktiv në jetën politike dhe publike të vendit.
Ai ka shërbyer edhe si ministër i Shëndetësisë në Kosovë, ndërsa njihej si një nga përfaqësuesit më të spikatur të krahut rugovist brenda LDK-së.
Vdekja e tij shënon humbjen e një prej emrave më të njohur të skenës politike kosovare, i cili kontribuoi për vite me radhë në proceset politike dhe institucionale të vendit.