Besimtarët myslimanë në Shqipëri do të kremtojnë Fitër Bajramin të dielën, më 30 mars 2025, me faljen e namazit në Sheshin “Skënderbej” në Tiranë.
Sipas njoftimit zyrtar, ceremonia e faljes do të nisë në 06:45, me lexim Kurani dhe ligjërata fetare, ndërsa falja e Bajramit do të kryhet në 07:30.
Ky moment i rëndësishëm për besimtarët shënon përfundimin e muajit të shenjtë të Ramazanit dhe është një ditë e veçantë për reflektim, falënderim dhe solidaritet mes komunitetit.