Telenews

Një mijë euro bursë vjetore për ata që studiojnë Gjuhë dhe Letërsi Shqipe

Kryeministri i vendit, Albin Kurti ka bërë të ditur se për 1000 euro bursë vjetore për studentët që zgjedhin të studiojnë në programin Gjuhë Shqipe ose në programin Letërsi Shqipe të Fakultetit të Filologjisë, në Universitetin e Prishtinës “Hasan Prishtina”.

Kurti kështu njoftoi në një postim në Facebook.

“Konkursi për pranimin e studentëve në vitin e parë të studimeve tashmë është i hapur. Ju ftojmë që të aplikoni në këto programe dhe të përfitoni bursën studentore”, shkruan Kurti.

Edhe Universiteti i Prishtinës “Hasan Prishtina” (UP) njofton se përmes marrëveshjes së bashkëpunimit me Ministrinë e Arsimit, Shkencës, Teknologjisë dhe Inovacionit (MASHTI) do të realizojë mbështetjen e qëndrueshme dhe të vazhdueshme për promovimin dhe zhvillimin e shkencave të albanistikës.

“Përmes këtij bashkëpunimi mundësohet dhënia e bursave vjetore për studentët që regjistrohen në programin BA Gjuhë shqipe dhe programin Letërsi shqipe në Fakultetin e Filologjisë të UP-së.

Bursa studentore individuale është në vlerë prej 1000 (njëmijë) euro në vit për student. Eja dhe regjistrohu në UP!”, thuhet në njoftim.

Të ngajshme

Gërvalla tregon se a iu është drejtuar Kosova Serbisë për trupin e pajetë të Faton Hajrizit

Donat Hashani

Eksluzive: Dy të arrestuar për rastin e arratisjes së Faton Hajrizit

Donat Hashani

Regjistrimi në UP, interesim i lartë për këto dy degë

Donat Hashani