Faqja zyrtare e Luizit në Instagram ende s’kishte reaguar drejtpërdrejt për llogarinë “GoFoundMe”të hapur nga kunati i konkurrentit, megjithëse kishte promovuar llogarinë e këtij të fundit.
Mirëpo sot, personi që fshihet pas llogarisë së Luizit (Migena, shoqja e tij), ka treguar se në fakt e mbështet nismën dhe “kërkon” kontribut parash për këngëtarin.
“SQARIM: “GoFoundMe” është një platformë amerikane dhe është platforma më transparente e mbledhjes së fondeve për çdo nevojë, plotësim ëndrrash apo ndodhi të tjera jetësore. Prandaj familja zgjodhi këtë platformë zyrtare mbështetjeje për fansat e Luizit që kanë shprehur këtë dëshirë”.
Mirëpo, në llogarinë zyrtare të këngëtarit ende lë dyshime qëllimi i mbledhjes së këtyre fondeve, pavarësisht platformës transparente me të cilën po operohet.
“Për çdo nevojë, plotësim ëndrrash apo ndodhi të tjera jetësore” është fjalia që ende i lë ndjekësit në dyshime, duke rikujtuar edhe problemin shëndetësor të Luizit, që më vonë vetë këngëtari e quajti një gënjeshtër.
Deri tani, 94 persona kanë kontribuar me 10,025$ dollarë për Luiz Ejllin, ndërsa kontributet vazhdojnë të rriten për të kapur shifrën 250,000 dollarë, që në fakt është më e lartë se çmimi i “BBV”.