Presidentja e vendit, Vjosa Osmani, është duke e zhvilluar një vizitë në Bullgari ku është pritur nga homologu i saj Rumen Radev.
Sipas saj, Bullgaria është një mbështetëse e madhe e Kosovës në procesin e anëtarësimit në Këshillin e Evropës, në BE, në organizata të tjera ndërkombëtare, por edhe përkrahëse e liberalizimit të vizave për Kosovë.
“Mikpritje e përzemërt nga presidenti i Bullgarisë, Rumen Radev, me ftesë të të cilit kam filluar vizitën time zyrtare në Sofje. I konfirmuam marrëdhëniet e shkëlqyeshme dypalëshe së bashku me gatishmërinë për t’i thelluar ato. Bullgaria ka ofruar mbështetje për Kosovën për ta përballuar situatën e furnizimit me energji elektrike, në kohën kur e gjithë Evropa po përballet me krizë energjetike”.
“Bullgaria është një mbështetëse e madhe e Kosovës në procesin e anëtarësimit në Këshillin e Evropës, në BE, në organizata të tjera ndërkombëtare, por edhe përkrahëse e liberalizimit të vizave për shtetin tonë”.
“Vizion i yni i përbashkët është paqja dhe stabiliteti në Kosovë, rajon dhe Evropë”.