Të premten që lam pas, këngëtarja e njohur, Jehona Sopi, kishte koncertin e saj recital “Jehonë”.
Ndër të pranishmit në këtë koncert, ishte edhe presidentja e vendit, Vjosa Osmani, bashkë me dy vajzat e saj.
E pyetur nga Prive se cila ishte kënga që i pëlqeu më së shumti në koncert, Osmani, duke thënë se është shumë e vështirë, e zgjodhi një.
“Është vështirë me zgjedhë vetëm një, natyrisht që kënga e fundit “Sot mos thuaj jo”, ndoshta edhe për shkak se vajzat e mia vallëzuan shumë me të, sonte na kënaqi më së shumti, por të gjitha janë më të vërtetë të jashtëzakonshme”, u shpreh presidentja Osmani.