Presidentja e vendit, Vjosa Osmani, po qëndron sot për një vizitë zyrtare në Bullgari me ftesë të presidentit Rumen Radev.
Pas takimit, të dy ata kanë mbajtur një konferencë për media.
Në fjalën e saj, Osmani rikujtoi se kur në muajin gusht, BE-ja dorëzoi kornizë të përgjithshme, e në shtator kishte propozim nga BE-ja e të mbështetur nga Franca e Gjermania, Serbia ka krijuar krizë e tensione që të mos flitet për këtë marrëveshje.
“Interesi i Kosovës është tjetër, që diskutimet të fillojnë sa më parë. Marrëveshja e fundit në Bruksel, është arritur pasi kemi insistuar që deri në pjesën e parë të vitit që vjen, të kërkojmë sukses për marrëveshjen përfundimtare”, sqaroi Osmani-Sadriu.