Aleanca Veriatlantike, NATO, sot shënon 76-vjetorin e themelimit.
Duke publikuar disa fotografi nga vizita e saj në selinë e NATO-s dhe me sekretarin e përgjithshëm të këtij institucioni, me të cilin u takua javë më parë, presidentja e Republikës së Kosovës, Vjosa Osmani, ka falënderuar NATO-n për mbështetjen ndaj Kosovës.
NATO-ja ka qenë përkrah vendit në momente kritike dhe kyçe, duke nisur nga lufta e fundshekullit të kaluar, e deri më tani, me prezencën e KFOR-it në çdo cep të Kosovës, shkruan IndeksOnline.
Në urimin e Osmanit theksohet se Kosova është e gatshme të kthejë dobitë që NATO-ja i ka dhënë.
“Ne kemi qëndruar krah për krah me aleatët tanë dhe do të vazhdojmë të qëndrojmë – si partnerë, si kontribuues dhe si anëtarë të ardhshëm”, shkroi mes të tjerash presidentja.
Ky është reagimi i plotë i saj:
76 vjet unitet, forcë dhe paqe – urime NATO.
Sot, ne nderojmë një Aleancë të ndërtuar jo vetëm mbi pushtetin, por me qëllim – besimin e përbashkët se liria, dinjiteti dhe paqja ia vlen të mbrohen.
Njëzet e gjashtë vjet më parë, NATO ndihmoi në shpëtimin e miliona jetëve në Kosovë. Ajo mbetet ende shtylla kurrizore e paqes dhe sigurisë – në rajonin tonë, në të gjithë Evropën dhe në mbarë botën.
Kosova është e gatshme të kthejë. Ne kemi qëndruar krah për krah me aleatët tanë dhe do të vazhdojmë të qëndrojmë – si partnerë, si kontribuues dhe si anëtarë të ardhshëm.
Sepse anëtarësimi në NATO nuk është vetëm qëllimi ynë – është kapitulli tjetër në një udhëtim të përbashkët për paqen dhe sigurinë afatgjatë.
76 years of unity, strength, and peace — congratulations @NATO.
Today, we honor an Alliance built not just on power, but on purpose — the shared belief that freedom, dignity, and peace are worth defending.
Twenty-six years ago, NATO helped save millions of lives in Kosovo. It… pic.twitter.com/pETmYiadFL
— Vjosa Osmani (@VjosaOsmaniPRKS) April 4, 2025