Organizata e Veteranëve të Luftës së UÇK-së, ka shprehur ngushëllime për vdekjen e Komandantit të Ushtrisë Çlirimtare të Kosovës, Sahit Jashari.
Përmes, një postimi në profilin zyrtar në rrjetin social Facebook, kjo organizatë ka thënë se Sahit Jashari ishte ndër nismëtarët e përpjekjeve tona çlirimtare, bashkëluftëtar i Komandantit Legjendar Adem Jashari dhe i shumë luftëtarëve të tjerë që vunë themelet e rezistencës së armatosur për lirinë e Kosovës.
“Ndarja e tij nga jeta është humbje e madhe për familjen Jashari, për bashkëluftëtarët dhe për gjithë ata që e njohën dhe vlerësuan veprën e tij”, thuhet në shkrimin e tyre.
Postimi i plotë:
Me pikëllim të thellë morëm lajmin për ndarjen nga jeta të luftëtarit të orëve të para të lirisë, Sahit Jashari.
Sahit Jashari ishte ndër nismëtarët e përpjekjeve tona çlirimtare, bashkëluftëtar i Komandantit Legjendar Adem Jashari dhe i shumë luftëtarëve të tjerë që vunë themelet e rezistencës së armatosur për lirinë e Kosovës. Gjatë gjithë jetës së tij ai mbeti i palëkundur në shërbim të atdheut, duke përballuar sakrifica të mëdha dhe duke qëndruar krenar në rrugën e lirisë.
Ndarja e tij nga jeta është humbje e madhe për familjen Jashari, për bashkëluftëtarët dhe për gjithë ata që e njohën dhe vlerësuan veprën e tij.
Organizata e Veteranëve të Luftës së UÇK-së shpreh ngushëllimet më të sinqerta për familjen Jashari, miqtë dhe bashkëluftëtarët e tij.
Lavdi jetës dhe veprës së Sahit Jasharit!