Policia e Kosovës ka nisur hetimet pasi tifozët në Gjakovë ditë më parë kanë djegur një flamur serb gjatë një ndeshjeje basketbollistike.
Policia ka njoftuar se video nga momenti i djegies së flamurit ishte publikuar në rrjetet sociale, ndërsa në lidhje me rastin është konsultuar prokurori i Shtetit dhe rasti po hetohet, transmeton Zeri.info
“Raportohet se në postimet e rrjetit social TikTok është vërejtur se gjatë një ndeshjeje basketbollistike disa tifozë kanë djegur një flamur. Në lidhje me rastin është konsultuar prokurori i Shtetit, rasti vazhdon të hetohet”, thuhet në raportin e Policisë.
Kujtojmë se flamuri i Serbisë ishte djegur në ndeshjen basketbollistike Vëllaznimi – Trepça.