Prokurori përmend Llapushnikun, Zllashin e Kleçkën si vende ku janë mbajtur persona

“Mes fundit të prillit 1998 dhe 25 ose 26 korrikut 1998 të paktën 30 persona u mbajtën të ndaluar në Llapushnik pa proces të rregullt ligjor. Asokohe, shtabi i UÇK-së në Llapushnik ndodhej në një kopleks të rrethuar, ku ishte një ahur, një shtëpi e vogël, një shtëpi më e madhe, një garazhë dhe një pus i rrumbullakët. Të burgosurit në Llapushnik mbaheshin në dy dhoma të ndara brenda të njëjtit kompleks, njëri tha në ahur dhe tjetri tha që ishte një depo. Të akuzuarit poashtu akuzohen për vrasjen e 10 viktimave që janë mbajtur në Llapushnik. Do të dëgjoni se në korrik 1998, anëtarët e UÇK-së shoqëruan rreth 30 të burgosur që mbaheshin të ndaluar atje drejt malit të Berishës. Një grup prej 20 personash u kursyen, pra u liruan. Por nga këta, dy viktima që u arratisën u ekzekutuan me pushkë. Testimet e ADN-së dhe provat tjera përcaktuan se trupat e zhvarrosur më 2000 dhe 2002 nga një vend në malet e Berishës, ishin ata, pra mbetjet e disa prej këtyre viktimave. Shkaku i vdekjes për shumë nga këto viktima ishte plagë me armë zjarri.”

Një vend tjetër që u përmend është Zllashi. Atje të akuzuarit akuzohet për vrasjen e një prej 8 të ndaluarve.

“Vendi tjetër që do të përmend është Zllashi dhe sipas aktakuzës në shtator 1998 dhe mes 1 dhe 11 prillit 1999 anëtarët e UÇK-së mbajtën atje 8 persona… Të akuzuarit akuzohen për vrasjen e paligjshme dhe zhdukjen me forcë të një prej të ndaluarve. Do të dëgjoni se në prill të 1999 anëtarë të armatosur të UÇK-së e morën një shqiptar të Kosovës nga fshati i tij në Zllash, e rrahën gjatë rrugës dhe kur mbërritën atje e rrahën disa ushtarë të UÇK-së. Gjatë 18 ditëve që u mbajt i ndaluar, u kanos, ishte objekt i një ekzekutimi të simuluar, u akuzua si kolaboracionist u rrah, përfshirë me shkop bejsbolli duke i shkaktuar lëndime të rënda.”

Ndërsa në Kleçkë, prokurori thotë se u mbajtën të ndaluar 20 persona dhe vrasjen e 11 prej tyre.

“Në Kleçkë mes nëntor 1998 dhe qershorit  1999 anëtarët e UÇK-së u mbajtën të ndaluar të paktën 20 persona. Krahas akuzave për ndalim dhe keqtrajtim, të akuzuarit akuzohen edhe për vrasjen e paligjshme të 11 prej tyre… Do të dëgjoni se në shkurt 1999 dy viktima u sollën në Kleçkë ku u mbajtën të dnaluar në prill 1999 në burgun e Kelçkës dhe në shtëpi të djegura. Kufomat e tyre u nxorën nga një varr në afërsi të burgut të Kleçkës, shkaku i vdekjes ishte plagë plumbi në kokë dhe në trup.”