Kosovari Andin Rashica, asistenti kryesor i trajnerit aktual të klubit turk të basketbollit, Manisa Basket, Ertug Tuzcukaya, e ka festuar fitoren ndaj ekipit serb, FMP Belgrade me këngën e Sabri Fejzullahut.
Rashica, pas fitores me rezultat 87-101 ndaj FMP Belgrade e festoi me këngën “Pema e lirisë”, kënduar nga ikona e muzikës, Sabri Fejzullahu.
Përveç shpërndarjes së kësaj kënge, ai shtoi se “lum kush do ta ketë atë fat, aromën ta shijoj i pari”.
Ndeshja mes FMP Belgrade – Manisa Basket u zhvillua në kuadër të Champions League.
