Forcat ruse kanë bombarduar një shkollë arti në Mariupol ku ishin strehuar 400 banorë, tha Këshilli i Qytetit.
Këshilli tha se gra, fëmijë dhe të moshuar ishin brenda dhe se janë ende nën rrënojat e shkollës së artit. Numri i viktimave ishte i paqartë.
Deklarata akuzonte rusët për kryerjen e krimeve të luftës, duke i bërë jehonë fjalimit të mëparshëm të presidentit Zelensky, raporton Guardian.
Zelensky tha se rrethimi i Mariupolit do të hynte në historinë e përgjegjësisë për krimet e luftës.
