Forcat ruse kanë sulmuar prapë Kievin me dronët kamikaze iraniane, thonë zyrtarët ukrainas.
Disa objekte në qytetin periferik Makariv janë shkatërruar pasi kjo zonë u godit me tre dronë të enjten.
Fatmirësisht, deri tash nuk ka viktima të raportuar, shkruan në Telegram, drejtori policor i Kievit, Andriy Nebytov.
Ndërsa, Kyrylo Tymoshenko, zyrtar i lartë i zyrës presidenciale të Zelenskyt, tha se sulmi u krye me ‘dronë kamikazë në objekte të rëndësishme’.
Në javët e fundit Ukraina ka raportuar për disa sulme ruse me dronë iranianë Shahed-136.
Por, Irani mohon që ka furnizuar Rusinë me dronë, kurse Kremlini nuk ka komentuar, raporton BBC.
Në jug të kryeqytetit ukrainas, gjashtë dronë kamikaze u rrëzuan gjatë natës, sipas udhëheqësisë të forcave ushtarake ukrainase.