Seanca konstituive e Kuvendit të Kosovës do të mbahet sot, duke filluar nga ora 17:00.
Gjatë kësaj seance pritet të realizohet konstituimi i legjislaturës së re, pas përfundimit të zgjedhjeve të 28 dhjetorit.
Rendi i ditës parasheh verifikimin e mandateve të deputetëve, betimin e tyre, si dhe zgjedhjen e Kryetarit të Kuvendit dhe nënkryetarëve, në përputhje me procedurat kushtetuese.
Ndryshe, presidentja Vjosa Osmani e kishte thirrur këtë seancë nga ora 12:00, mirëpo sipas kryeparlamentarit Dimal Basha, u shty për pesë orë për shkak të procesit gjyqësor në Hagë, aty ku sot do thuhen fjalët përfundimtare të mbrojtjes së Hashim Thaçit.