Filmi i metrazhit të gjatë aksion-komedi “Adnan Kafazi” me regji nga Genc Berisha dhe produksion nga Besart Sllamniku, ka shfaqur premierën në kinematë Cineplexx dhe Kino ABC në Prishtinë.
“Adnan Kafazi” trajton temën e krimit dhe korrupsionit përbrenda një qyteti, përmes së cilëve synohet kontrolli territorial. Kurse në rolet kryesore luajnë aktorët Armend Baloku, Muhamed Arifi, Besart Sllamniku, Ylber Bardhi, Armond Morina, Arta Muçaj, Edona Reshitaj, Dukagjin Podrimaj, Shkumbin Istrefi, Fatmir Spahiu dhe Xhejlane Tërbunja.
Postproduksioni i filmit është mbështetur nga Qendra Kinematografike e Kosovës në konkursin e vitit 2022.