YouTube po mbushet gjithnjë e më shumë me video që synojnë vetëm klikime, përmbajtje të prodhuara nga inteligjenca artificiale dhe materiale të ricikluara pa vlerë reale. Shikimi i tyre ndikon direkt te algoritmi, i cili vazhdon t’ju sugjerojë më shumë të njëjtat video.
Ekspertët rekomandojnë tre hapa për ta pastruar “feed”-in tuaj:
Shënoni videot që nuk ju interesojnë – Klikoni te tre pikat pranë çdo videoje dhe zgjidhni “Nuk jam i/e interesuar” ose “Mos rekomando kanalin”;
Pushoni historinë e shikimit – Në cilësimet e privatësisë, kjo parandalon që videot e rastësishme të ndikojnë në rekomandime;
Fshini historinë e shikimit – Opsioni “Fshi gjithë historinë” rikthen algoritmin në zero dhe YouTube nis të sugjerojë vetëm bazuar në preferencat tuaja të reja.
Alternativisht, mund të përdorni YouTube në “Guest mode” ose të shkëputeni nga llogaria, veçanërisht në pajisje të përbashkëta si TV.