Franca po përballet me një skandal abuzimi me fëmijët, ndërsa “monitoruesit” në dhjetëra çerdhe shtetërore dhe shkolla fillore po hetohen për dhunë, sulm seksual dhe përdhunim.
Prokurorët kanë konfirmuar se policia e Parisit po shqyrton më shumë se 100 akuza për keqtrajtim, dhunë fizike dhe përdhunim të fëmijëve deri në tre vjeç nga monitoruesit e shkollave gjatë pushimeve të drekës, kohës së gjumit dhe aktiviteteve pas shkolle, shkruan The Guardian, transmeton Telenews.al
“Kemi hetime në proces në 84 parashkollore, rreth 20 shkolla fillore dhe rreth 10 qendra kujdesi ditore”, tha kryeprokurorja e Parisit, Laure Beccuau.
Avokatët thanë se hetimet përfshinin përdhunimin e dyshuar të fëmijëve deri në tre dhe katër vjeç.
Grupet e prindërve thanë se kishin luftuar me vite që akuzat të merreshin seriozisht. Ata thanë se dështimet në procesin e rekrutimit dhe kontrollimin e monitoruesve të shkollave kishin lejuar që abuzimi të vazhdonte.