Pas dështimit të seancës për votimin e kryetarit të Kuvendit të Kosovës, deputeti i Vetëvendosjes Xhelal Sveçla ka goditur opozitën.
Sveçla pas përfundimit të seancës, ka komentuar derisa po largohej nga Kuvendi se nuk ka “shpëtim” për opozitën.
“Vonim ka, s’kanë shpëtim. S’kanë qare pa u dorëzu” – u shpreh shkurt Sveçla. Por, partia e tij, Lëvizja Vetëvendosje nuk i kishte votat e mjaftueshme për të votuar Albulena Haxhiut për kryetare të Kuvendit.
Ai theksoi se të enjten, sërish do të propozohet emri i njëjtë për kryeparlamentare.