Shorti për kualifikueset për Ligën e Kampionëve në konkurrencën e femrave ka vendosur përball dy skuadrat shqiptare, Vllazninë e Shkodrës dhe Hajvalinë.
Hajvalia do të luaj në fazën e parë ndaj Vllaznisë së Shkodrës. Ndeshjet e kësaj faze do të luhen në formën e një mini-turneu.
Në raundin e parë të këtij kompeticioni marrin pjesë 41 skuadra, të ndara në 11 grupe, ku 8 prej tyre janë me nga katër skuadra, ndërsa 3 me nga tri skuadra.
Gjysmëfinalet e grupeve janë programuar të luhen më 6 shtator, ndërsa finalet, nga ku do të dalin edhe fitueset që kualifikohen për në raundin e dytë, më 9 shtator.