Telenews

Surroi: Suprimimi i autonomisë së Kosovës ishte bërë me dhunë, Serbia futi agjentë të saj në mbledhje

Më 23 mars të vitit 1989, në Kuvendin e Kosovës, në kundërshtim me vullnetin e qytetarëve, u ndryshua Kushtetuta e vitit 1974, me çka suprimohet autonomia e Kosovës në Federatën Jugosllave, duke e lënë Kosovën si pjesë përbërëse të Serbisë.

Nga 190 delegatët prezentë në Kuvend, 10 prej tyre edhe pse nën presionin e shtetrrethimit të hekurt, do të votonin kundër këtij suprimimi e në mbrojtje të pozitës kushtetuese të Kosovës.

Lidhur me këtë datë, publicisti Veton Surroi, në Debat Plus, ka thënë se Serbia kishte futur në sallën e Kuvendit njerëz të saj të cilët kishin votuar pa qenë fare delegatë.

“Edhe përkundër gjithë atij frikësimi të madh, edhe përkundër që s’u arrit të krijohej një rezistencë brenda kuvendit, Riza Lluka, Melihate Tërmkolliu dhe të tjerët që me trimëri ngritën gishtat kundër ndryshimeve kushtetuese. Serbia futi njerëz agjentë, në sallën e Kuvendit. Mehmet Ajeti, që ka qenë drejtor i burgut i Mitrovicës dhe njeri i shtetit të Serbisë u fut në sallën e mbledhjes dhe shihet duke votu për ndryshime kushtetuese, edhe pse s’ishte delegat”, tha ai.

Ai tha se Gazmend Zajmi dhe Bajram Kelmendi ishin ankuar në Gjykatën Kushtetuese të ish-Jugosllavisë, por ajo lëndë kishte mbetur e patrajtuar për shkak të shpërbërjes së Jugosllavisë.

“Aty ka pasur edhe agjentë të sigurimit shtetëror që a kanë votu a jo nuk e di, por i kanë nxënë në fotografi dhe në vitin 1990, gazmend Zajmi dhe Bajram Kelmendi u ankuan në gjykatë kushtetuese me të drejtë, lënda u mor, edhe për ndryshime kushtetuese të vitit 1989 edhe për aktet e Serbisë për vitin 1990 që ishin kundër kushtetutës së Jugosllavisë dhe Kosovës. Kjo lëndë për fat të keq nuk u arrit të shqyrtohej në fund, sepse u shpërb Jugosllavia”, tha ai.

Ai ritheksoi se suprimimi i autonomisë ishte bërë me dhunë.

source

Të ngajshme

“24 qershori” Dita Nacionale e komunitetit Egjiptian të Ballkanit

Donat Hashani

Kryesia e Kuvendit sot mban mbledhje, ky është rendi i ditës

Donat Hashani

Ngjarjet kryesore për ditën e sotme

Donat Hashani