Trafiku Urban i Prishtinës sot ka bërë një njoftim të rëndësishëm.
Faqja zyrtare e kësaj ndërmarrje publike, ka bërë me dije se Trafikut Urban nga sot iu është shtuar edhe një shofere femër, transmeton Telenews.al
”Mehreme Brahimi është shoferja e tretë që i është bashkuar ekipit të shkëlqyer të ndërmarrjes tonë. Kryeshefi i “Trafikut Urban“, Burim Maraj, është shprehur i kënaqur me përparimet e ndërmarrjes në shumë segmente, në mesin e tyre edhe përfshirjen sa më të madhe të grave, në pozita të ndryshme. Shërbimet me autobusë dhe angazhimi i stafit të tyre mirëpriten dhe vlerësohen edhe nga qytetarët që shfrytëzojnë këto shërbime, numri i të cilëve është duke u rritur ndjeshëm dita-ditës”, shkruan në postimin e faqes zyrtare të Trafikut Urban.
Në njoftimin e Trafikut Urban poashtu përmendet se znj. Brahimi është punëtore e kësaj ndërmarrje që nga viti 2019. /Telenews.al/