Telenews

Trajneri Spalletti e çon në qiell Amir Rrahmanin

Trajneri i Napolit, Luciano Spalletti e ka çuar në qiell Amir Rrahmanin.

Trajneri italian e sheh futbollistin kosovar si njërin prej liderëve të ekipit të tij në sezonin e ri, mbi të gjitha pas largimit të disa prej lojtarëve të rëndësishëm.

“Nevojitet kohë për t’u rritur liderë të rinj. Por, ne tashmë i kemi disa të tillë si Rrahmani, Di Lorenzo e Anguissa”, deklaroi Spalletti për “DAZN”.

Napoli synon të jetë protagonist edhe në sezonin e ri të Serie A.

Edhe në edicionin e kaluar, përfaqësuesi kosovar ishte njëri prej lojtarëve kryesorë të Napolit, duke u rritur mbi të gjitha pasi punoi me trajnerin Spalletti.

Pas largimit të Kalidou Koulibalyt, Rrahmani është bërë lider i mbrojtjes, por mund të jetë edhe lider i krejt ekipit.

Edhe pse flitej për një interesim eventual të Manchester United për shërbimet e tij, ish-futbollisti i Dinamo Zagrebit dhe i Veronës vendosi të qëndrojë në Napoli, e madje në muajt në vazhdim pritet edhe ta vazhdojë kontratën. 

Të ngajshme

Leart Paqaradës i del problem me trajnerin e tij te St Pauli

Donat Hashani

Ka ndërruar jetë trajneri i njohur kosovar, Nebih Zeneli

Miftar Zejnullahu

Talenti i jashtëzakonshëm i Manchester United lirohet nga akuzat për përdhunim

Donat Hashani