Kuvendi i Malit të Zi ka zgjedhur qeverinë e re në krye me kryeministrin Milojko Spajiq.
Pro qeverisë së Spajiqit ishin 46 deputetë, 19 ishin kundër ndërsa një deputet abstenoi.
LEXO EDHE:
Ministrja Rizvanolli sot raporton në Kuvend lidhur me këtë gjigant industrial
Vend në qeverinë e re malazeze kanë zënë edhe tre shqiptarë, ku zëvendëskryeministër për Politikat Ekonomike dhe ministër i Zhvillimit Ekonomik është emëruar Nik Gjeloshaj, shkruan Vijesti.
Shqiptarët në këtë qeveri udhëheqin edhe me dy ministri, atë për të Drejtat e Njeriut dhe Minoriteteve në krye me Fatmir Xhekën dhe Marash Dukajn i cili është emëruar ministër i Administratës Publike.
Qeveria e Spajiqit në total ka 18 ministri ndërsa pesë zëvendëskryeministra. /Telenews.al