Reperi i njohur Stresi ka bërë së fundmi një postim të dyshimtë në Instagram, i cili ka tërhequr menjëherë vëmendjen e fansave dhe mediave rozë.
Në një InstaStory, ai publikoi një foto të shoqëruar me shprehjen: “Do korrni atë që mbillni”, e shoqëruar me ‘emoji’ të shumta që sugjeronin zemërim dhe përbuzje.
Ky reagim duket se lidhet me ngjarjet e fundit rreth ish-banorit të Big Brother VIP Albania, Jozefin Marku, duke krijuar spekulime se Stresi mund të jetë duke i dërguar një mesazh të tërthortë.
Reagimi i reperit vjen pas një situate të tensionuar: disa ditë më parë, shtëpia e këngëtarit u tha se u përfshi nga një shpërthim me tritol.
Ngjarja erdhi gjithashtu pas publikimit të një videoje të diskutueshme ku shfaqej një moment mes Stresit dhe Jozit, në të cilin reperi e detyronte atë ta puthte, një skenë që kishte shkaktuar tashmë polemika të shumta në rrjetet sociale.
Pavarësisht nga këto rrethanat e ndjeshme, Stresi nuk ka dhënë asnjë koment të drejtpërdrejtë apo shpjegim mbi postimin e tij, duke lënë fansat dhe mediat të spekulojnë lidhjen e mundshme mes mesazhit të tij dhe incidentit me tritol.
Shumë prej tyre e shohin këtë InstaStory si një përgjigje indirekte ose një “kunj” ndaj Jozit, duke shtuar tensionin dhe debatet online rreth marrëdhënies së tyre.