Disa ushtarë të njësisë speciale të KFOR-it kanë pësuar lëndime gjatë përballjes me protestues serbë në komunën e Zveçanit.
Kjo pasi, pas tensioneve të shumta, ata ndërhynë në Zveçan për t’i shpërndarë protestuesit, mirëpo të njëjtit nuk u bindën urdhërave të njësisë së KFOR-it, shkruan gazeta online Reporteri.net.
Madje, turma e protestuesve, e shumë prej tyre të maskuar, sulmuan me mjete të forta ushtarët e KFOR-it.
Nga pamjet shihet se një grumbull ushtarësh janë distancuar nga turma për t’i trajtuar lëndimet.
Ndërkohë, raportohet se ende ka protestues të mbledhur në Zveçan. /Reporteri.net/.
