Telenews

VASHAT E KOSOVËS U-17 PËSOJNË NGA SLLOVENIA

Kosova U17 në konkurrencën e femrave ka pësuar humbje 1:3 përballë Sllovenisë, në ndeshjen e vlefshme për kualifikueset për Euro, raundi i dytë, liga A.
Vashat U17 të Kosovës e nisën shumë mirë takimin, duke arritur të kalonin të parat në epërsi.
Ishte Rreze Gashi ajo që në minutën e 38’ të takimit arriti të dërgonte topin në rrjetë, për rezultatin 1:0.
Dardanet e mbyllën pjesën e parë në epërsi, por në pjesën e dytë të takimit lëshuan fitoren nga dora.
Fillimisht, në minutën e 50’, Katjusa Kern realizoi për 1:1, kurse goditjen e dytë sllovenet e dhanë përmes Masa Osojnik, në minutën e 75’.
Rezultati final i takimit u vulos me golin e Zara Kramzar. Ky gol u shënua në minutën e 85′ të ndeshjes.
Kosova U17 mbetet kështu me 0 pikë, dhe një gol-diferencë prej 1:13, kurse Sllovenia merr tri pikët e para në grup.
Në të njëjtin grup luajnë edhe Gjermania dhe Austria.

Të ngajshme

Si i shënon golat talenti i mrekullueshëm i Barçës, ai madje ‘rikrijoi’ një herë golin e Samuel Eto’o-s në Ligën e Kampionëve

KushtrimGuraj

Donjeta Sadiku e artë në Poloni

KushtrimGuraj

Drita ”blindon” dy yjet e skuadrës

Donat Hashani