Një person që ishte plagosur në janar të këtij viti në Sllatinë të Fushë-Kosovës, ka vdekur në QKUK, ku po trajtohej që nga 23 janari.
Policia ka bërë të ditur se më 16 maj 2026 viktima, mashkull kosovar, ka vdekur si pasojë e plagëve të marra.
“Lidhur me rastin, më datë 16.05.2026, viktima mashkull kosovar, i cili ishte duke u trajtuar në QKUK, ka ndërruar jetë. Me vendim të prokurorit, trupi i pajetë është dërguar për obduksion”, thuhet në njoftim.
Ndërkohë, policia kishte arrestuar një të dyshuar për vrasje në tentativë, pasi më 23 janar dyshohet se kishte sulmuar viktimën me mjet të mprehtë, duke i shkaktuar plagë në kokë dhe fyt.