Dje u mbyll komplet sezoni në La Liga, ku u zhvillua xhiroja e fundit.
E edhe në këtë javë, Muriqi nuk e la pa shënuar gol.
Sulmuesi kosovar realizoi golin e 15-të në një sezon fantastik për të, duke e ndihmuar Mallorcan të mbijetojë në elitën e futbollit spanjoll.
Pas përfundimit të sezonit, ai ka reaguar, duke falënderuar bashkëlojtarët, stafin e tifozët.
“Për ne po vjen fundi i sezonit. Kemi përfunduar një sezon në të cilin kemi luftuar si ekip! Dua të falënderoj bashkëlojtarët e mi, stafin dhe tifozët tanë të mrekullueshëm për të gjithë mbështetjen e marrë këtë sezon”, shkroi Muriqi.