Jill Schoelen , aktorja e filmit klasik të Krishtlindjeve të vitit 1986 “Babes in Toyland”, po kthehet në Hollywood pas gati 30 vitesh.
Jill luajti rolin e motrës së Drew Barrymore , atëherë 11-vjeçare , e cila luajti personazhin e Lisës.
Ajo së fundmi përfundoi filmin e ri “Ralph’s Perfect Christmas”, i cili do të dalë në vitin 2026, dhe gjithashtu publikoi albumin e saj të parë “Christmas Is Forever”. Me rastin e kthimit të saj, aktorja foli me Fox News dhe shpjegoi pse u largua nga Hollywood-i.
“Ajo që më bëri vërtet të largohesha nga Hollywoodi ishte zbulimi se isha shtatzënë me djalin tim të madh, Danten. Ditën që zbulova se isha shtatzënë, i telefonova agjentët e mi dhe u thashë: ‘Mbarova’”, zbuloi ajo.
Aktorja tha se pasi lindi fëmijën e saj të parë, ajo mendoi për një kohë të shkurtër të qëndronte në industri.
“Ndoshta tre muaj pasi linda fëmijën, mendova se duhet të isha e hapur për t’u rikthyer në punë. I telefonova agjentët e mi dhe u thashë: ‘Mendoj se jam ende e hapur për të punuar’. Pata tre intervista pune dhe i fitova pothuajse të gjitha”, kujtoi ajo.