Presidenti i SHBA-ve, Joe Biden ishte në Bruksel bashkë me udhëheqësit e NATO-s, për të diskutuar hapat e tyre të ardhshëm në përgjigje të pushtimit rus të Ukrainës.
Ai NATO nuk ka qenë kurrë më e bashkuar, ai kërkoi vazhdimin e unitetit në mënyrë që sanksionet të qëndrojnë në fuqi aq gjatë sa të ndikojnë në vendimarrjen e Moskës.
Biden, Johnson i Britanisë së Madhe dhe Macron i Francës refuzuan të thonë saktësisht se si do të përgjigjeshin nëse Rusia do të përdorte armë kimike në Ukrainë.
NATO ka konfirmuar se katër grupe të reja beteje të përbëra nga 40 mijë trupa në total do të dërgohen në Sllovaki, Hungari, Bullgari dhe Rumani.
Scholz i Gjermanisë dhe Von der Leyen e BE-së, thanë se pagesat për energjinë ruse nuk do të bëhen në rubla siç ka kërkuar Moska, duke thënë se koha e shantazheve ruse ka mbaruar.
Johnson se Ukraina mund ta fitojë konfliktin, por paralajmëroi se Putini nuk duket i interesuar për të bërë paqe, raporton BBC.
SHBA zbardhi akuzat kundër katër punonjësve të qeverisë ruse, të cilët akuzohen për një përpjekje në mbarë botën për të hakuar sektorin global të energjisë.
Ndërkaq në Ukrainë, luftimet kanë vazhduar:
Zyrtarët ukrainas kanë bërë të ditur se një anije ruse zbarkuese është shkatërruar dhe të tjera janë dëmtuar në qytetin ukrainas të Berdyansk.
Ukraina thotë se ka kryer shkëmbimin e parë të duhur të të burgosurve me Rusinë që nga fillimi i luftës, me 10 ukrainas të shkëmbyer për 10 rusë.
Në një shkëmbim të veçantë, 11 marinarë civilë rusë të shpëtuar nga një anije që u mbyt në Odesa u shkëmbyen me 19 detarë ukrainas nga një anije e kapur nga rusët.
Organizata Botërore e Shëndetësisë thotë se ende nuk është në gjendje të marrë furnizime mjekësore të nevojshme në qytetin juglindor të rrethuar të Mariupolit dhe Mykolaiv, i cili është më në perëndim.
Civilët ukrainas janë rrëmbyer dhe mbajtur peng në rajonet e pushtuara nga Rusia, kështu kanë bërë të ditur zyrtarët e OKB-së.