Para pak kohësh ka shpërthyer një zjarr në ndërtesën e Institutit të Mjekësisë Ligjore në Prishtinë, kanë njoftuar nga Ministria e Drejtësisë përmes një postimi në Facebook.
Kallxo.com sjell fotografi nga vendi i ngjarjes, ku shihen ekipet e zjarrfikësve dhe Policisë së Kosovës.
Sipas njoftimit të Ministrisë, nuk raportohet për dëme nga zjarri.
“Sipas informacioneve qe kemi aktualisht nga vendi i ngjarjes, nuk ka dëme që janë shkaktuar nga zjarri. Personat përgjegjës tashmë po merren me shkaqet e shpërthimit të zjarrit” – thuhet në njoftimin e Ministrisë së Drejtësisë.