Milan Radoiçiq u lirua sot nga paraburgimi, një ditë pasi ishte arrestuar nga autoritetet serbe.
Pas lirimit të tij, ka ardhur edhe reagimi i parë nga Qeveria e Kosovës.
Luan Dalipi, shefi i stafit të kryeministrit Albin Kurti, tha se kjo është vetëm një shfaqje mediale.
“Manipulimi i tij i stilit Millosheviq/Putin nuk do të mashtrojë askënd. Mbajtja e përgjegjësisë është thelbësore për këtë shkelje të rëndë të ligjit ndërkombëtar”, tha Dalipi.
Gjykata e Lartë në Beograd ka njoftuar se e ka liruar nga mbajtja ish-nënkryetarin e Listës Serbe, Millan Radoiçiq, një ditë pas marrjes në pyetje.
Gjyqtari i procedurës paraprake e ka refuzuar propozimin e Prokurorisë së Lartë Publike në Beograd për caktimin e masës së paraburgimit për Radoiçiqin, pas intervistimit.