“Bashkë më të fortë” – Ambasada Amerikane për takimin e Osmanit me ambasadoren e ShBA-së në NATO

Ambasada e ShBA-së në Prishtinë ka shpërndarë në llogarinë zyrtare në platformën “X” takimin që ambasadorja e ShBA-së në NATO, Julianne Smith, ka pasur me presidenten e Kosovës, Vjosa Osmani.

Smith dje ka njoftuar për takimin që ka pasur me shefen e shtetit të Kosovës duke thënë se SHBA do të vazhdojë të mbështesë avancimin e stabilitetit dhe të ardhmes në Kosovë, teksa Kosova ecë drejt synimit të saj për integrimin euroatlantik dhe në Ballkanin Perëndimor në tërësi.

“E ritheksova se 🇺🇸 do të vazhdojë të mbështesë avancimin e stabilitetit dhe prosperitetit në Kosovë, duke ecur drejt synimit të saj për integrimin euroatlantik, dhe në Ballkanin Perëndimor në tërësi”, ka shkruar Smith.