Tashmë është çdo gjë zyrtare. Barcelona i ka ndarë rrugët me trajnerin Xavi Hernandez.
Ishte një komunikatë e presidentit të Barcelonës, Joan Laporta që njoftoi se ndeshja ndaj Sevillas do të jetë e fundit për Xavin në krye të shtabit teknik të katalonasve.
Takimi u zhvillua në Ciutat Esportiva Joan Gamper dhe nënkryetari sportiv, Rafa Yuste, dhe drejtori sportiv, Anderson Luís de Souza, Deco, ishin të pranishëm atje, së bashku me ndihmësit e Xavi, Òscar Hernández dhe Sergio Alegre.
“FC Barcelona dëshiron të falënderojë Xavi për punën e tij si trajner, i cili i shton një karrierë të pashembullt si lojtar dhe kapiten skuadre dhe i uron atij fat”, thuhej ndër tjera në njoftim.
Xavi Hernández do ta drejtojë ndeshjen e tij të fundit si trajner i klubit këtë të dielë në Sevilje.
Sipas raportimeve, Hansi Flick është kandidati kryesor për të marrë drejtimin e Barcelonës.
🚨 OFFICIAL: Barcelona statement confirm that Xavi Hernández has been fired. pic.twitter.com/8ClddJqxbb
— Fabrizio Romano (@FabrizioRomano) May 24, 2024