Kryetari i Prishtinës, Përparim Rama, ka dalë në terren për të parë situatën pas vërshimeve nga reshjet e shiut që kapluan kryeqytetin të dielën mbrëma.
Ai ka bërë të ditur se kanë krijuar shtabin e krizës për menaxhimin e situatës ditëve në vijim.
Më tej, ai ka bërë thirrje ndaj qytetarëve që të shmangin përdorimin e automjeteve gjatë pasditës dhe ka sugjeruar institucionet publike dhe private të lirojnë punëtorët më herët nga puna.
“Lutim qytetarët që të shmangin përdorimin e automjeteve gjatë pasdites dhe sugjerojmë që institucionet publike dhe private të lirojnë punëtorët më herët nga puna, për të shmangur trafikun e rënduar në orët e pasdites meqë parashihen shira me intensitet të lartë sikur dje”, ka shkruar Rama në Facebook.