Është mbyllur procedura penale ndaj Kujtim Kurtit, një shtetasi kosovar me banim në Gjermani, i cili dyshohej për kërcënimin e kryeministrit Albin Kurti.
Mbylljen e hetimeve e ka konfirmuar Gjykata Themelore në Prizren, sipas një shkrese që ka publikuar Kujtim Kurti, i cili kishte kërcënuar shefin e qeverisë përmes një komenti në Facebook vitin e kaluar.
Dokumenti i gjykatës konstaton se Kujtim Kurti nuk ndodhet në hetime për asnjë procedurë penale, raporton Paparaci.
“100 mijë kush e vret Albin Kurtin!!”, kishte shkruar Kujtim Kurti në Facebook.
Policia e Kosovës kishte rritur masat e sigurisë ndaj kryeministrit Kurti si pasojë e kërcënimeve të Kujtim Kurtit, i cili ishte denoncuar në polici nga Qeveria e Kosovës.