Muzeu i Luvrit në Paris rihapi për vizitorët Galerie d’Apollon (Galerinë e Apollonit) të mërkurën, nëntë muaj pasi bizhuteri me vlerë miliona dollarë u vodhën në një grabitje të turpshme.
Por galeria, e cila dikur strehonte xhevahiret e kurorës së Francës, u rihap pa asnjë të ekspozuar, shkruan BBC.
“Ky është një hapësirë ikonike brenda Luvrit, por nuk do të strehojë më Xhevahiret e Kurorës dhe gurët e çmuar, të cilët do të shfaqen në zona të sigurta diku tjetër në muze”, tha drejtori i muzeut, Christophe Leribault.
Grabitja ndodhi më 19 tetor kur hajdutë të maskuar përdorën një kamion me një palë shkallë mekanike të montuara mbi të për të hyrë në galeri nëpërmjet një ballkoni.
Policia ka arrestuar katër persona që prokurorët i dyshojnë si hajdutë, por sendet e vjedhura ende nuk janë rikuperuar.