Qytetarët e Hanit të Elezit kanë protestuar kundër përdorimit dhe djegies së gomave të përdorura si lëndë djegëse në procesin e prodhimit të çimentos në fabrikën SharrCem.
Banorët kanë dalë në protestë me pankarta në duar, përmes të cilave kanë përcjellë mesazhe kundërshtuese, me mesazhet si, “Nuk jemi eksperiment” dhe “Gomat jo, shëndeti po”.
“Zëri i qytetarit nuk hesht”, është një nga mesazhet e përcjella po ashtu gjatë protestës.