Komandanti i KFOR-it, Özkan Ulutaş, ka pritur në selinë e këtij misioni, në kampin “Film City” në Prishtinë, shefin e ri të EULEX-it, Antero Lopes.
Gjatë takimit, ata diskutuan për situatën e sigurisë në Kosovë dhe mundësitë për forcimin e mëtejshëm të bashkëpunimit ndërmjet dy misioneve.
Ulutaş shprehu vlerësimin e tij për bashkëpunimin e vazhdueshëm ndërmjet KFOR-it dhe EULEX-it, duke theksuar rëndësinë e koordinimit në funksion të sigurisë dhe stabilitetit në vend.