Snajperistët e Forcës së Sigurisë së Kosovës janë renditur të pestit në garat që u mbajtën në Turqi.
Gara është zhvilluar në disiplina të ndryshme si: qitje me armë, fshehje dhe gjetjen e armikut.
Kjo është bërë e ditur nga Ministria e Mbrojtjes së Kosovës, përmes një njoftimi për media.
“Ekipi nga FSK arriti rezultate të larta, ku në renditjen e rezultateve përfundimtare nga shtetet ndërkombëtare u rendit në vendin e 5-të. Ekipi i FSK-së tregoj një përkushtim dhe profesionalizëm shumë të lartë duke përfaqësuar në mënyrë dinjitoze FSK-në dhe shtetin e Kosovës”, thuhet në njoftimin e ministrisë.
Kjo garë mbledh shumë ekipe të snajperistëve nga shtete të ndryshme të botës.
Po ashtu, përveç qëllimit garues, pjesëmarrja në garë kishte për qëllim njohjen, marrjen dhe shkëmbimin e njohurive të reja nga snajperistët mes vete.
Këtë vit, në garë morën pjesë 26 ekipe nga 12 shtete të botës.