Pas dyshimeve se ish-nënkryetari i Skenderajt, Nuredin Lushtaku, u përfshi në përleshje me dy policë të cilët mbetën të plagosur, ka reaguar nënkryetarja e PDK-së, Vlora Çitaku.
Ajo iu drejtua Lushtakut me fjalët “trup të qoftë Nuredin Lushtaku”, transmeton Klankosova.tv.
Çitaku tutje tha se ta sulmosh Policinë e Kosovës duhet të jetë e papranueshme në çdo rrethanë.
“Shpresoj që institucionet të reagojnë në zbatim të ligjit. Banditizmat e tilla nuk duhet të normalizohen. Askush mbi ligjin. Pikë”, është shprehur Çitaku, transmeton Klankosova.tv.
Kujtojmë se pas intervistimit nga ana e policisë, Lushtaku është liruar ku për Klankosova.tv, avokati i tij tha se klienti i tij (Nuredin Lushtaku) s’e ka përdorur armën në rast.