Chelsea ka njoftuar se ka arritur marrëveshje me Brighton and Hove Albion, për transferimin e Marc Cucurrellas.
Cucurrella ka nënshkruar kontratë gjashtëvjeçare me klubin londinez.
“Pas raportimeve nga media të shumta këtë javë, mund të konfirmojmë se është arritur një marrëveshje me Brighton and Hove Albion për nënshkrimin e Marc Cucurella”, thuhet në njoftim.
Cucurella pas nënshkrimit të kontratës, është shprehur i lumtur.
“Jam vërtet i lumtur. Është një mundësi e madhe për mua që t’i bashkohem një prej klubeve më të mira në botë dhe do të punoj shumë që të jem i lumtur këtu dhe të ndihmoj skuadrën”, ka thënë ai.
Sipas raportimeve, ai ka kaluar te Chelsea për rreth 60 milionë euro.