Policia në Prizren dje ka pranuar informacione se në një aheng familjar, në lagjen “Bajram Curri”, ka pasur gjuajtje me armë zjarri.
Në vendin e ngjarjes kanë dalë njësitet e policisë dhe kanë hasur një person me armë në brez, që ishte pistoletë me gaz.
Policia njofton se i dyshuari është arrestuar dhe është dërguar për intervistim në stacion, ndërsa arma i është sekuestruar.
Më vonë në të njëjtin aheng, policia ka marrë prapë informacione për gjuajtje me armë zjarri. Policia në vendngjarje ka hasur një person tjetër, të cilit i është gjetur një pistoletë.
Arma është sekuestruar dhe i dyshimti me urdhër të prokurori është ndaluar për 48 orë.
Kundër të dyshuarve është filluar procedura penale për veprën “ Mbajtja në pronësi, kontroll ose posedim i paautorizuar i armëve”.