Shoqata Gjermane e Mjekëve dha alarmin të dielën për mungesën e barnave në vend, duke u bërë thirrje njerëzve që të ndajnë ilaçet e papërdorura me të tjerët.
“Tani vetëm solidariteti mund të ndihmojë. Ata që janë të shëndetshëm duhet t’u japin ilaçe të sëmurëve,” tha Klaus Reinhardt, presidenti i shoqatës për të përditshmen Tagesspiegel.
“Ne kemi nevojë për diçka si tregjet e pleshtave për ilaçe në lagje,” shtoi ai.
Gjermania po përballet me mungesë furnizimi për shumë medikamente të zakonshme për shkak të problemeve të shpërndarjes, mes kërkesës jashtëzakonisht të lartë për shkak të rasteve në rritje të gripit, virusit sincicial të frymëmarrjes (RSV) dhe COVID-19./AA