Një aksident i rëndë trafiku ka ndodhur mbrëmë rreth orës 19:00 në lagjen e Bujupëve në fshatin Arllat të komunës së Drenasit, ku një veturë ka goditur për vdekje një këmbësor. 19-vjeçari, Eduard Bujupi, u dërgua me urgjencë në spital, por nuk arriti që t’i përballojë plagët e marra, raporton Telenews.al.
Ndërkohë shoferi që dyshohet se shkaktoi aksidentin ishte larguar me shpejtësi nga vendi i ngjarjes, duke mos u ndalur fare.
Sipas njoftimit për Policisë, pas veprimeve hetimore është arritur që i dyshuari të identifikohet dhe i njëjti është arrestuar.
“Lidhur me rastin nga Njësiti i hetimeve të Trafikut Rajonal të Prishtinës, është identifikuar ngasësi i automjetit, që ka qenë i përfshirë në aksident. Menjëherë nga hetuesit është siguruar prezenca e personit të dyshuar, i cili pas intervistimit me vendim të prokurorit të shtetit është dërguar në mbajtje”, thuhet në njoftimin e Policisë.
Telenews.al do të iu mbajë të informuar.