Kryetari i Podujevës, Shpejtim Bulliqi, e ka kujtuar ish-kryetarin e kësaj komune, Agim Kikajn në përvjetorin e shtatë të vdekjes së tij.
Bulliqi ka thënë se Kikaj ishte intelektual dhe vizionar në jetën politike.
“Agimi ishte veprimtar i dalluar i Kosovës, intelektual dhe vizionar në jetën politike, si dhe një person me vlera të larta humane në përditshmëri”, ka thënë Bulliqi.
Ai ka thënë se kujtimi për të është i përjetshëm, duke dhënë lavdi e nderime jetës dhe kontributit të tij.
“Kujtimi për të është i përjetshëm! Lavdi e nderime jetës dhe kontributit të çmuar të tij!”, ka thënë tutje ai.