Federata e Futbollit e Kosovës ka lëshuar në shitje biletat për ndeshjen Kosovë – Qipro.
Ndeshja e Ligës së Kombeve në mes të Kosovës dhe Qipros luhet më 15 tetor në stadiumin “Fadil Vokrri” në Prishtinë dhe nis nga ora 20:45. Biletat në veri dhe jug kushtojnë nga pesë euro, lindje dhjetë euro, perëndim 20 euro, derisa biletat VIP do të kushtojnë 80 euro.
FFK njofton se një person mund të blejë deri në katër bileta. Biletat mund të blihen nëpërmjet platformës “online”. Para ndeshjes kundër Qipros, Kosova më 12 tetor luan kundër Lituanisë në udhëtim.