Telenews

KURTI PRONONCOHET PËR BERISHAJN: THA SE DO TA PADISË MEDIUMIN QË KA SHPIFUR PËR TË (VIDEO)

Kryeministri i Kosovës, Albin Kurti, është deklaruar shkurt në lidhje me raportimet për ambasadorin e Kosovës në Kroaci, Martin Berishaj.
I pyetur për raportimin e skandalit në Slloveni, ku pretendohet se ambasadori i Kosovës ka qenë i përfshirë, Kurti tha se Berishaj do ta padisë për shpifje mediumin slloven.
“Zëdhënësi ynë i qeverisë e ka dhënë qëndrimin, dhe po ashtu ambasadori Berishaj e ka bërë një deklaratë me të cilën tregon që ato janë të pavërteta dhe se do ta padisë mediumin, i cili ka shpifur asisoj”, deklaroi Kurti.
Kurti nuk është përgjigjur nëse duhet të shkarkohet Berishaj, deri në momentin që vërtetohet pafajësia e tij.


Në anën tjetër, zëdhënësi i Qeverisë së Kosovës, Përparim Kryeziu, ka deklaruar se duhet pasur kujdes ndaj këtyre pretendimeve, pasi po bëhen edhe në kuadër të një gare elektorale në Slloveni.
“Kërkesa për sqarime mbi të vërtetën është gjithmonë legjitime. Si qeveri, ne jemi të përgjegjshëm dhe llogaridhënës, por jemi të interesuar për llogaridhënie mbi të vërteta të dëshmuara dhe prova e jo pretendime dhe akuza”, ka shkruar Kryeziu në Facebook.
Më parë ka pasur reagim edhe nga presidenca, ku thuhet se Vjosa Osmani ka kërkuar nga ambasadori Martin Berishaj raport me shkrim lidhur me këtë raportim të medies sllovene si dhe e ka thirrur në Kosovë për të sqaruar situatën.

Të ngajshme

3 deri 6 muaj punë në Gjermani, Ambasada me detaje për kosovarët e interesuar

Donat Hashani

Sekuestrohen 83 kg kanabis në Shkodër, në pranga katër persona

Donat Hashani

Gashi: Qeveria t’i japë pagat për mësuesit, po tentohet që t’i shërohet egoja e sëmurë e kryeministrit

Donat Hashani