Telenews

Kurti: Qytetarët na besuan neve që ta bëjmë ndryshimin, ky vit ishte i kthesës drejt zhvillimit

Qytetarët na kanë besuar neve që ta bëjëmë ndryshimin. Ky vit ishte vit i kthesës drejt zhvillimit.
Kështu ka thënë kryeministri i vendit, Albin Kurti, në mbledhjen e qeverisë, ku 365 ditët e para të qeverisjes, ai i ka cilësuar si ditë të vitit të zhvillimit ekonomik dhe të investimeve.
“Përafërsisht në këtë orë, para një viti më 22 mars 2021, ne morëm detyrën e re. Qytetarët në vitin e kaluar, votuan për riorientimin demokratik dhe evropian të shoqërisë sonë. Votuan për luftën ndaj korrupsionit institucional dhe financiar; për kthimin e virtyteve në institucione që shpërndajnë barazi e drejtësi; votuan për kthimin e aftësisë në borde që administrojnë burimet ekonomike dhe njerëzore”, tha Kurti.
“Vota e qytetarëve të republikës aneambanë vendin tonë, u bë edhe votë në kuvendin e Republikës për qeverinë dhe këtë e kemi bërë ne në një vit të punës ku gjatë këtyre 365 ditëve kishim gjithsej 67 mbledhje të qeverisë, e ku morëm 581 vendime e sot i tejkalojmë 600 sosh. Proceduam 128 projektligje ku sot i kalojmë edhe 130 më shumë sesa çdo qeveri tjetër paraprake, në vitin e parë të saj”.
Tutje Kurti tha se viti i parë i qeverisjes së tij është përshkruar me navigim në kriza botërore, duke përmendur pandeminë e COVID-19.
“Përgjatë një viti kemi aviguar nëpër kriza botërore, të cilat kanë testuar jo vetëm aftësinë tonë qeverisëse, por edhe qëndrueshmërinë tonë shoqërore”.

Të ngajshme

Kryetari Hyseni tregon se kur përfundon Autostrada e Gjilanit

Donat Hashani

Milaim Zeka trondit me deklaratën për Xhelal Sveçlën

Edmond Vila

Vuçiq për vendimin e BQK-së për dinarin: Më dalin lotët kur shohë serbët që presin para bankomateve

Edmond Vila